جرمن اور جاپانیوں کا وہم تھا کہ وہ ناقابلِ شکست ہیں، پوری دنیا جنگ کے نتائج سے آگاہ تھی اور جانتی تھی کہ نازی ہار رہے ہیں، لیکن اسکے باوجود وہ حملوں سے باز نہیں آرہے تھے۔ مسلمانوں کی طرح انکو بھی وہم تھا کہ وہ ناقابلِ تسخیر ہیں۔ انکو اس احمقانہ خواب سے بیدار کرنے اور اس نہ رکنے والی جنگ کا خاتمہ ضروری تھا۔ چنانچہ ایٹم بم استعمال کیا گیا۔ درست ہے کہ ہزاروں بے گناہ لوگ مرے لیکن جنگ تو اختتام پذیر ہوئی،لاکھوں لوگوں کی جانیں بچ گئیں اور آج جاپانی خود بھی اس واقعے کو بھیانک خواب سمجھ کر بھول گئے ہیں اور امریکہ سے انکے بہت اچھے مراسم ہیں۔
کچھ لوگ نائن الیون کا موازنہ ہیروشیما اور ناگاساکی سے کرتے ہیں مگر ایسا کرنا غلط ہے۔ ایٹم بم کا استعمال ایک طویل، تکلیف دہ اور لایعنی جنگ کا خاتمہ تھا۔ جبکہ دوسری طرف نائن الیون تو ایک شیطانی جنگ کا آغاز ہے جو مسلمانوں نے ڈیڑھ ہزار سال پرانے بدوُوانہ معاشرے کو دنیا پر مسلط کرنے کے لئے شروع کی ہے۔ ذاتی طور پر میں سمجھتا ہوں کہ اچھا ہوا، کم از کم دنیا کی آنکھیں تو کھلیں انکو احساس تو ہوا کہ اسلامی عفریت جاگ رہا ہے اور انکو نگلنے کے لئے پر تول رہا ہے۔ جاپان پہ اتحادیوں کے فیصلہ کن حملے نے چند ہزار کے عوض لاکھوں جانوں کو تو بچا لیا۔ نائن الیون نے کیا کیا؟ پوری دنیا میں دہشت گردی اور بدامنی کی لہر دوڑا دی۔ نائن الیون سے پہلے کے حالات یاد کریں اور آج کے حالات دیکھیں۔ کیا کسی طور نائن الیون کے نتائج کا موازنہ ہیروشیما اور ناگاساکی سے کیا بھی جاسکتا ہے؟ کیا ہماری عقل کی آنکھوں میں اسقدر موتیا اترآیا ہے؟
بعض مسلمان ان مذہبی دہشت گردوں سے لاتعلقی کا اظہار کرتے بھی نظر آتے ہیں اور کہتے ہیں کہ یہ چند لوگ سارے عالمِ اسلام کی ترجمانی نہیں کرتے۔ لیکن وہ یہ بتانے سے قاصر ہیں کہ ان دہشت گردوں نے کونسا عمل اسلام کے خلاف کیا ہے۔ دہشت گرد مسلمان (باعمل مسلمان) اپنے ہر عمل کو قرآن و سنت سے جسٹیفائی کرتے ہیں۔
بعض افراد کافی حد تک روشن خیال ہیں اور سمجھتے ہیں کہ یہ مذہبی دہشت گردی غلط ہے اور ہمیں موجودہ دور کے تقاضوں کے مطابق جینا چاہئے اور صرف امن و بھائی چارے والی تعلیمات پر عمل کرتے رہنا چاہئے۔ لیکن میرا ان سے سوال ہے کہ اگر آپ اسلام کو بطور مذہب قبول کرتے ہیں تو آپ کس طرح کسی کو اس پہ عمل کرنے سے روک سکتے ہیں یا برا جان سکتے ہیں؟ ہوسکتا ہے آپ برائی نہ کریں، اسلام کی شیطانی تعلیمات کو نہ اپنائیں اور صرف و باتیں جو اچھی معلوم ہوں ان پر عمل کریں۔ لیکن پھر بھی درحقیقت آپ انکے ہاتھ مضبوط کر رہے ہیں جو اسلام کی شیطانی تعلیمات پر عمل کر رہے ہیں، جو فساد (جہاد) کے لئے اسلحہ اکھٹا کرتے ہیں، جو امن کے نام پر دنیا میں انارکی پھیلا رہے ہیں۔
آپ بھلے کفار کی گردن اتارنے میدان میں نہ اتریں، لیکن جو لوگ آپکے قرآن کی آیات پڑھ کر ایسا کرتے ہیں کیا آپ انکو برا کہہ سکتے ہیں؟ کس بنیاد پر؟ آپ چاہیں یا نہ چاہیں، دہشت گردوں کو آپکی مورل سپورٹ حاصل ہے۔ جس کتاب سے آپ نے اپنا طرزِ حیات منتخب کیا ہے وہ بھی تو اسی کتاب پہ عمل کر رہے ہیں آپ کس بنیاد پر انکے عمل کر غلط اور اپنے عمل کو صحیح قرار دے سکتے ہیں؟
اور ویسے بھی اگر عقل کی بنیاد پر آپ قرآن میں سے اچھی اچھی باتیں چن سکتے ہیں اور بری بری باتیں نظرانداز کر سکتے ہیں تو پھر قرآن کی ضرورت ہی کیوں؟ کیا عقل کافی نہیں؟
اگر آپ مسلمان ہیں تو آپ قرآن پر ایمان رکھتے ہیں اور اسکی پیروی کو نجات کا ذریعہ سمجھتے ہیں۔ نیم مسلم یا نیم غیر مسلم کوئی چیز نہیں۔ یا آپ مسلمان ہیں یا نہیں ہیں۔ اگر مسلمان ہیں تو قرآن پر ایمان رکھتے ہیں اور اسمیں موجود کسی چیز کو برا نہیں کہہ سکتے۔ اور اگر آپ کی عقل و شعور ایک چیز کو برا بھی جانتی ہے۔ آپ اس پر عمل بھی نہیں کرتے لیکن ساتھ میں اسکی نفی کرنے کو بھی تیار نہیں تو پھر مجھے افسوس سے آپکو اطلاع دینا پڑے گی کہ آپ منافق ہیں۔ برائی کو برائی جانتےہوئے بھی پشت پناہی کر کے آپ زیادہ بڑے مجرم بن رہے ہیں۔
عمل نہ کرنے کے باوجود اگر آپ ان شیطانی اعمال کو اپروو کرتے ہیں تو کس بنیاد پر آپکا یہ خیال ہے کہ آپ اچھے انسان ہیں؟
گفتگو اور دلائل کے مسلمان قائل نہیں۔ انکے نزدیک انکی ذمہ داری "حق اور سچ بات” پہنچا دینا ہے۔ یہی اتمامِ حجت ہے۔ اب فریقِ مخالف کے پاس یہی راستہ ہے کہ یا تو مسلمانوں کے دعووں پر بالغیب ایمان لے آئے اور بغیر بحث و دلائل کے تسلیم کر لے کہ یہ حق کا راستہ ہے یا انکی حکمرانی تسلیم کر کے ہتھیار ڈال دے یا مرجانے کے لئے تیار ہو جائے۔ اور کوئی راستہ ہے ہی نہیں۔
جو مذہب ہمیں برداشت کرنے کو تیار نہیں، ہم اسکو برداشت کرنے سے انکار کرتے ہیں۔ کیا ہمارا یہ مطالبہ غلط اور برا ہے کہ ہم آپکو یہ کہتے ہیں کہ اپنے بچوں کو مت سکھاؤ کہ ہم (غیر مسلم) کافر اور دنیا کی بد ترین مخلوق ہیں اور ہمیں قتل کر کے وہ ان دیکھے خدا کے حضور بہت بڑے انعام کا حقدار قرار پائے گا؟ کیا ہم اس صورت میں آپکے دوست بن سکتے ہیں کہ جبکہ آپکے نزدیک جنت میں جانے کا تیز ترین اور مستند ترین طریقہ یہ ہے کہ ہمیں قتل کر دو اور ہماری عورتوں کو اغوا کر کے ریپ کر لو؟ بچوں کو غلام بنا لو؟
