Close

آٹھواں عجوبہ

دنیا کے سات عجوبوں کے بارے میں تو یقیناً سبھی نے سنا ہوگا تاہم ایک عجوبہ ایسا بھی ہے جسے دنیا کے ان سات عجوبوں میں شمار نہیں کیا جاتا، اس عجوبے کا نام ” مسلمان قوم ” ہے… اس قوم میں وہ عجائبات اور کرشمے ہیں جو دنیا کی کسی بھی دوسری قوم میں نہیں، ذیل میں اس قوم کے کچھ عجائبات کا ذکر خیر ہے:

1- وہ واحد قوم ہے جو یہ سمجھتی ہے کہ تمام اقوامِ عالم باطل پر ہیں اور وہ حق پر ہیں وہ بھی ہر چیز میں.

2- دنیا کی وہ واحد قوم ہے جو قرآن حفظ کرنے پر مجرم کی سزا میں کمی کردیتی ہے.

3- دنیا کی واحد قوم ہے جو مقتول کے مرتد ثابت ہونے پر قاتل کو معاف کردیتی ہے.

4- وہ واحد قوم ہے جو غیرت کے نام پر اپنی ماں بہن یا بیوی کو قتل کرنے والے کو عزت کی نگاہ سے دیکھتی ہے.

5- وہ واحد قوم ہے جس کی مقدس کتاب میں لفظ "اقرا” آیا ہے اس کے باوجود کرہ ارض کی تمام اقوام سے سب سے کم پڑھتی ہے، یا سرے سے پڑھتی ہی نہیں.

6- وہ واحد قوم ہے جو مخالفین پر کفر کے فتوے لگا کر ان کا خون بہانا جائز سمجھتی ہے.

7- وہ واحد قوم ہے جو فتوے کو قانون سے بالا تر سمجھتی ہے اور بڑی بے شرمی سے قانون کے احترام کا دعوی کرتی ہے.

8- وہ واحد قوم ہے جو مغرب کو گالیاں دیتی ہے اس کے باوجود ہر چیز میں ان پر انحصار کرتی ہے.

9- وہ واحد قوم ہے جو آزادی اظہار رائے پر یقین رکھنے کا دعوی کرتی ہے مگر ایسا کرنے والوں کو جیلوں میں ڈال دیتی ہے.

10- و واحد قوم ہے جو مذہبی ہونے کا دعوی کرتی ہے اور اس کی نمائش کا خصوصی اہتمام بھی کرتی ہے مگر اس میں کوئی ایک بھی اچھی بات نہیں ہے.

11- وہ واحد قوم ہے جو اپنے طالب علموں کو مذہب پر ڈاکٹریٹ کی ڈگری دیتی ہے.

12- وہ واحد قوم ہے جو ابھی تک ہزار سال پرانی مُردوں کی کتابوں کی غلام ہے.

13- وہ واحد قوم ہے جس کے مذہبی ٹھیکیدار حکمرانوں کی سیاہ کرتوتوں پر خاموشی اختیار کیے رہتے ہیں چاہے یہ کرتوتیں مذہب کے خلاف ہی کیوں نہ ہوں.

14- وہ واحد قوم ہے جو انسانی حقوق کے آفاقی منشور کو تسلیم نہیں کرتی.

15- وہ واحد قوم ہے جو فنِ خط کے سوا تمام انسانی فنون کو حرام سمجھتی ہے.

16- وہ واحد قوم ہے جس کا ایک مشترک مذہب ہے اس کے باوجود مذہبی جماعتیں عقیدے اور احکام دین کے ایک منشور پر اتفاق نہیں کر سکتیں.

17- وہ واحد قوم ہے جس میں مولوی اپنی بات "واللہ اعلم” پر ختم کرتے ہیں جیسے لوگوں کو یہ پتہ نہ ہو.

18- وہ واحد قوم ہے جو ابھی تک جن نکالنے پر یقین رکھتی ہے چاہے قتل کے ذریعے ہی کیوں نہ ہو.

19- وہ واحد قوم ہے جس کے پاس فوجیں ہونے کے باوجود اس کی زمینیں مقبوضہ ہیں اور لڑائی سے ڈرتی ہے.

20- وہ واحد قوم ہے جس پر خالق کا یہ قول صادق آتا ہے ” تحسبہم جمیعاً وقلوبہم شتی ”

21- وہ واحد قوم ہے جو ایک ہزار سال سے دینی مسائل پر سوالات کیے جارہی ہے مگر ابھی تک اسے تسلی نہیں ہوئی.

22- وہ واحد قوم ہے جس کے پاس روزوں کا ایک مہینہ ہے جس میں ہر سال عبادت سے متعلق سوالات سے زیادہ جنس سے متعلق سوالات کی گردان ہوتی ہے.

23- وہ واحد قوم ہے جو مولوی کی ہر بات پر بغیر تحقیق کیے یقین کر لیتی ہے.

جس قوم میں اتنی انوکھی خوبیاں ہوں کیا اسے دنیا کا آٹھواں عجوبہ قرار نہیں دیا جانا چاہیے؟

4 Comments

  1. نہیں لڑنا تو ہم چاہتے ہیں یہ ہمارا پسندیدہ مشغلہ ہے لیکن وہ واھد قوم ہیں جو جس سے لڑنا چاہتے ہیں اسی کا تیار کیا ہوا اسلحہ استعمال کرنا چاہتے ہیں.
    ایک ہزار سال سے سوالات کئے جا رہے ہیں کیونکہ ہم یہ ثابت کرنا چاہتے ہیں کہ خدا نہیں ہے. اگر ہوتا تو بنی اسرائیل کی طرح ہم پہ عذاب بھیج چکا ہوتا. البتہ ہم واحد قوم ہیں جو عملی طور پہ خدا پہ یقین نہیں رکھتے لیکن اسکے لئے کسی کو قتل کرنے سے دریغ نہیں کرتے.

  2. salam alaikum. ajeeb si bat he keh jb bhi aik qom ke tor pakistani ya muslims ko group kiya jata he tb sirf deficiencies hi qoute ki jati hn aur ye kerne wale aur koi nahi humarey apne hi hote hn. yani dosre pakistani ya muslims. why? jb hum khud hi apno ki buraiyaan keraingy aur humare apne humari keraingy tb koi bhi achai ki umeed ki ja skti he? nahi. hum sb tanqeed kerne me to sb se aagey hn magr islah kerne me sb se peechey. wohi individual level per ho to hum khud ko acha bnane aur kehlvane ki koshishain kerte hn aur dosre ki burai. aur jis ki tareef kerte hn uski buraiyoon per bilkul parda hi dal lete hn….its not gonna do any good.
    kisi ko bar bar sakht sust kehne ke bad usko physical workout ka sabq dn to kabhi wo sune ga? kisi ko publically kaafir kaafir kehne ke bad kisi bhi khudai mazhab ki taleem dn wo bhi nahi sune ga…. its human nature… aur yaqeenan ye ap ko bhi pata hoga…. its not the right appraoch to get positive results…
    you might have heard the famous myth (aamir khan also quoted it in ‘taare zameen per’):
    In the Solomon Islands in the South Pacific some villagers practice a unique form of cutting trees down. If a tree is too large to be cut with an ax, the natives cut it down by shouting at it. Men with special powers get on the tree just in the early morning hours and suddenly scream at it at the top of their lungs. After thirty days of doing this, the tree dies and falls over. The villagers’ theory is that the screaming kills the spirit of the tree and, according to them, it always works.

    i hope i made my point clear.
    regards
    Nudrat

جواب دیں

4 Comments
scroll to top